كيف تغير أي عادة سيئة في حياتك ؟


اهلاً بأصحاب العادات اليوميه والروتينيه .

متحمس تغير عاده سيئة او روتين ممل في حياتك ؟




شنو افضل من انكم تغيرون روتينكم بشكل ايجابي

و تغير اي عادة سيئة في حياتك كنت تسويها

و تكتسبون عادات جديده تغير لكم حياتكم


العادات الي تكررها باستمرار حاول تغيرها لو كانت ما تفيدك

لو كنت من اصحاب الليل ويضيع وقتك فيه بدون انجاز

حاول لو لمدة اسبوع تغير روتينك للصباح

راح تتغير عليك اشياء كثيره لو جربت

و تتخلص من اي عادة سيئة بعدها


جهز لك فطور رايق وتنفس بهدوء

اقرأ كتاب أو ارسم رسمه بسيطه ، تابع برنامج صباحي ، استمع لأغنية الصباح ...




تخيل لو تغير 3 عادات سلبيه كل سنه 😍

كيف بتصير حياتك بعد 5 سنوات ؟


ممكن نبدأ بتغيير اي عادة سيئة في الجوانب ( الماليه / الجسديه / الاجتماعيه / العلاقات العامه ... وغيرها كثير )


فكر مع نفسك بالعادات السيئة او السلبية الي تسويها بحياتك

و جرب دونها و و دون عادات بديلة لها تحسن من حياتك


امثله على بعض العادات السيئة :


1- صرف مبالغ على منتجات من غير فائده

2- قلة النوم او السهر دائماً

3- قلة الحركه والنشاط البدني

4- تناول الوجبات السريعه والمشروبات الغازيه بكثره

5- التدخين

6 - رفع صوت سماعات الرأس او لبس السماعات دائماً

7- التأجيل والتسويف

8- قيادة السياره بسرعه

9- الانشغال بالالعاب الالكترونيه اكثر من اللازم


ف ممكن نبدل العادة الاولى ( صرف مبالغ على منتجات من غير فائدة )

في اقتناء منتجات محدده على مدار السنه و لها فائدة لك فعلياً


و قلة النوم و السهر الدايم نبدلها بمحاولة النوم لمدة ٨ ساعات يومياً و الاستيقاظ مبكراً


وش العادات الي غيرتوها او ناوين تغيرونها في حياتكم ؟


لا تنسى ( ابدأ من الحين ).



108 views0 comments

Recent Posts

See All