نشاطات للاطفال في رمضان لتحفيزهم من كراسة

Updated: Nov 21, 2020


السلام عليكم

هذي المره راح اوفر لكم نشاطات خاصه للأطفال في شهر الخير شهر رمضان

النشاطات راح تحفزهم و تحمسهم لرمضان كثيير ، و خصوصًا في هذي الفتره الي نواجهها حاليًا اطفالنا يحتاجون لبعض الانشطة الي تغير روتينهم شوي و تنشطهم و تفيدهم بنفس الوقت


راح تشوفون ملفين


  • الملف الاول يحتوي على لوحة يتم طباعتها وتعليقها في غرفة المعيشه او اي مكان بالمنزل يتواجد فيه الطفل يوميًا

  • الملف الثاني عبارة عن انشطة ترفيهيه للأطفال



اول شيء وفرته لأطفالنا الحلوين هذي اللوحه

لوحة هيا نعمل اعمال تسعدنا في رمضان


راح يستخدمها الطفل على مدار الثلاثين يوم طوال شهر رمضان

اللوحه تحفز الطفل على عمل الخير في شهر رمضان و تحفزه بأفكار جميله و ممتعه

كل يوم فكره جديده يطبقها ولما يطبقها يشطب على الفكرة

عدد الافكار الموجودة ٣٠ فكرة

طبعاً اللوحه لازم تدار من قبل الام او الاب و يحرص ان الطفل يتم عمل اليوم

بالملف راح تشوفون ملاحظات للطباعة قبل تطبعون اللوحه




شيء ثاني حلو وفرته للأطفال

الي هو ملف يتكون من ٥ صفحات فيه انشطة مسليه عن شهر رمضان

الملف وفرته باللون الابيض و الاسود عشان يكون متاح للتلوين بالكامل من قبل الطفل

الانشطة مختلفه ما بين تعبير و رسم و تلوين و قص و لصق

هذي هي الصفحات من الداخل




و اتمنى هذي الاشياء البسيطه الي صممتها تفيد الاطفال و تحقق لهم فائدة

اذا اعجبكم بكون شاكره لكم اذا نشرتوا التدوينة

ايميل : info@kurrasa.net

تويتر و انستقرام و سناب شات: Kurrasa_sa





2,458 views0 comments