fatima khaledيلا نصنع زينه رمضانيه بمناسبة رمضان !
Updated: Nov 21, 2020
اهلا اصدقاءنا
كل عام وانتم بخيير وينعاد علينا و عليكم بكل صحه و عافيه ان شاءالله
في هذي السنة حبيت اشارككم شيء جميل تقدرون تصنعونه و تضيفونه زينه رمضانيه في بيوتكم
و الكل حاليًا في هذي الاوقات يحتاج تفريغ طاقة و الاعمال الفنيه تساعد على التفريغ
وبنفس الوقت الزينه بتعطي تغير للمكان و تجديد و الجميع يحتاج لهذا التجديد لانه يجدد النفسيه
اولا راح اقول لكم وش راح نحتاج عشان نقدر نسوي الزينه الجداريه
الاحتياجات
اوراق A4 - اوراق A4 ملونه - مقص - صمغ او شطرطون - خيوط او حبال - طابعه
في البدايه راح نطبع التصاميم الي راح اوفرها لكم للتحميل في اخر التدوينة
التصاميم عباره عن ٧ صور يتم طباعتها جميعاً طباعه ملونه
بعدين نبدأ نقصها بترتيب
بعدها نثبتهم بالحبل ولازم يكون التباعد ما بينهم حوالي ١٠ سم عشان يضبط التنسيق كامل
كذا يكون شكلها بعد تثبيتها و تنسيقها
و تقدرون الان بعد تثبيت التصاميم بالحبل تعلقون الزينه بأي مكان مناسب في البيت
